• 02-eco-citoyenne
  • 01-eco-citoyenne
  • 03-eco-citoyenne
  • 03-savoir-faire

In u 2010, a Brasserie Pietra ottene u stampu ENVOL (Ingagiamentu Voluntariu di l’Intrapresa per l’Ambiente), a cunfirmazione di st’indiatura è d’un’ esigenza d’ameliurazione cuntinua di e so perfurmanze ecologiche.

Un’ azzione maiò : a reduzzione di i righjetti co2

Per riduce l’emissione di u co2, produtte da e fermentazione, in l’atmosferu, a Brasserie Pietra s’hè dutata d’un sistema di recuperazione di u co2 chì permette di scartà u righjettu di 80 tunnellate di co2 per annu.

Sminuzione d’a cunsomazione d’acqua è d’energia

A biereria hà messu in ballu una strategia glubale d’ecunumia di l’ernegia è di l’acqua.

Per riduce a cunsumazione d’acqua, l’acqua merlina chì nasce quand’ellu rinfresca u mostu hè recuperata per alimentà l’oria d’acqua calda è l’acqua chì vene da e nettature assicura e richjarate intermedie…

Ste dimarchje anu permessu di divide per 2 a quantità d’acqua necessaria per produce un litru di biera.

Trattemente di e scegliture

I cartoni è plastichi di l’imballasgi di l’appruvistadori sò trattati annantu à u situ.

A biereria dispone di cuntenitori per ogni materiale à riciculà : legnu, carta, metalli, vetri..

Quandu i cuntenitori sò pieni, i materiali sò mandati à intraprese aggradite chì procederanu à a so revalorisazione.

A preservazione di a natura Corsa : aiutu à i castanaghji è preservazione di u castagnetu Corsu

A Brasserie Pietra s’hè ingagiata à fiancu à u GRPTCMC (Addunita regiunale di i produttori è trasfurmatori di castagne è di marroni di Corsica) in a so lotta contru à u Cynips, parasitu di u castagnu chì mette u castagnetu corsu in periculu. A Brasserie Pietra hà datu una particcipazione di 50 000€ à un prugrama per introduce u torymus sinensis, u predatore biologicu di quellu parasitu.

A Brasserie Pietra sustene dinù à traversu a fundazione Umani è di u so prugrama Terranea, a risturazione di u castagnetu di Pianellu in Carbuccia. Un mecenatu in perfetta sinergia cù l’azzioni di u GRPTCMC.